أيمن بهجت قمر: "مش مبسوط من اللي حصل مع عبدالله السعيد"
رفض الشاعر أيمن بهجت قمر قرار مجلس إدارة النادي الأهلي إعارة لاعب الفريق عبدالله السعيد لنادي كوبيون بالوسورا الفنلندي، متسائلًا أن كان السبب وراء ذلك هو توقيعه للزمالك، رافضًا فكرة اعتبار أي لاعب من الأهلى يمضي للزمالك أو العكس خائنًا لأن التاريخ ملئ بالعديد من اللاعبين ممن لعبوا في الفريقين.\nوكتب "بهجت" عبر "فيسبوك": "محدش يقدر ينكر محبتي واحترامي للكابتن محمود الخطيب ومجلس إدارة النادي الأهلي بس ممكن برضه الواحد يختلف معاهم بإحترام.. بصراحة أنا مش مبسوط من اللي حصل مع عبد الله السعيد ..هل الأهلي باعه عشان مضى للزمالك ؟ طب ما انتوا قدمتوا عرض أقل من اللي اتعرض عليه فكان طبيعي يمضي للزمالك وأثبت أولويته للأهلي لما مضى بعدها لما وافقوا يدفعوا له اللي طلبه عن طريق المستشار تركي الشيخ ..المشكله فين؟ ..إنه خاين ومضى للزمالك ؟ معنى كده ان أي لعيب من الزمالك مرفوض في الأهلي وممنوع نتفاوض معاهم لو هنعتبر اللي بيمضي او يلعب في الزمالك خاين ..وأعتقد التاريخ مليان بلاعيبه كتير اتنقلوا للفريقين".