بعد رفعه علم المملكة بالأولمبياد.. «تويتر» ينتفض #رجعوا_حمادة: طب اللي باع الأرض.. وسعودية: تصغير لأم الدنيا

نشطاء: الرخص مناخ عام.. وأسلوب مصطفى بكري ينتشر.. واللي ما يحترمش بلده ما يستحقش ينول شرف تمثيلها\nتداول نشطاء مواقع التواصل الاجتماعي، مقطع فيديو لأحد اللاعبين المصريين يرفع العلم السعودى، خلال دخول البعثة المصرية فى حفل افتتاح أولمبياد ريو دى جانيرو.\nودشن نشطاء موقع التواصل الاجتماعي "تويتر"، هاشتاج "#رجعوا_حمادة" خلال الساعات القليلة الماضية كرد فعل على سلوك لاعب الرماية، حماده طلعت، تعبيرًا عن غضبهم على ما اعتبروه إهانة اللاعب لاسم مصر في المحافل الرياضية العالمية.\nقال الفنان أحمد الشامي، "لازم تتسحب منه الجنسية أصلاً.. ده إزاي يلعب لازم يترحل ويتحاكم. سابقة لم تحدث في التاريخ.. طبعاً الفاشل رئيس البعثة لن يتحرك #رجعوا_حماده".\nونشر الحقوقي جمال عيد، صورتان واحده للاعب المصري والثانية لسيدة تحمل العلم السعودي فى ميدان التحرير، وعلق عليها، "ليست حالة فردية، بل مناخ النفاق والرخص والانبطاح للرز بدأ ينبت ويزدهر، إما ننتبه ونعالج أو نحصد المزيد #رجعوا_حماده".\nوقالت شيرين وجدي، "دولة انبرت تدافع عن بيع جزيرتين لبلد الكفيل.. بتتشطروا على واحد جاهل جعان نفسه ف شوية رز.. إشمعنا الريس.. ولأنها فعلا دولة رخيصة.. لن يجرؤ أحد على أنه يرجعوه.. الرز يزعل #رجعوا_حماده".\nوقالت بيان، "رغم إني سعوديّة وأتشرف بذلك، لكن كفاية تصغير لبلد بحجم أم الدنيا! بلد الحضارة والفن والتّاريخ العريق.. بلد ياما تمنيت أكون منها #رجعوا_حماده".\nوقالت بنت مصر، "لو حابب تستعرض عضلاتك على مصر وتشتم وتحط من قدرها يبقي بعقلك وعلمك وتاريخك مش بفلوسك ورزك.. لأن الفلوس بتطير والرز أخره البلاعه #رجعوا_حماده".\nوقالت إسراء سعد، "#رجعوا_حماده وزير الشباب والرياضة مسؤول إنه يرجع الواد ده بأي تمن ويبطل لعب تاني علشان اللي ما يحترمش بلده ما يستحقش ينول شرف تمثيلها".\nوقال عبد الرحمن شرف، "يعني حمادة اللي رفع علم السعودية يرجع! طب اللي باع الأرض للسعودية يتعمل فيه إيه؟! #رجعوا_حماده".\nوقالت جي لوجيدا، "وفيه مصريين بيقولوا عادى إيه المشكلة! طيب إيه رأيك يا محترم أن السعوديين نازلين تريقة علينا بسببه.. هترجعوه يا بلد ولا هتخافوا! #رجعوا_حماده".\nوقال أحمد عاطف، "زمان كان عندنا مصطفي بكري في الإعلام بس دلوقتي بقي عندنا بكري في كل المجالات سياسة وإعلام وقضاء وجيش وداخلية ورياضة كمان #رجعوا_حماده".\nوقالت سارة وجيه، "الحقيقة #مصر مش طايقاه، يا ريت نشحنه على البلد اللي رفع علمها.. شيء مقزز #رجعوا_حماده".\nVideo of ظهور المنتخب المصرى فى حفل افتتاح اولمبياد ريو دى جانيرو فى البرازيل