فاطمة المهدي تكتب: كبسولة زواجية (2)

-محتاجين حاجة ..أنا جاي (أحضر)؟\n-ياريت تعدي ع السوبر ماركت وهات لنا بقالة وجبنة .. وخضار عشان السلطة\n-حاضر .. أي حاجه تانية؟\nبعد ساعه يعود الزوج محملا بأكياس لا قبل لهم بها.. يجد زوجته تتحدث في الهاتف وغير مكترثة بحضوره.\n-ممكن تسيبي البتاع ده وتعبريني\n-طب يا سوزي اسيبك  (أتركك) بقى أحسن جوزي جه .. باي\n- كده تحرجني قدام صاحبتي؟\n-يووووه مش قلت لك قبل كده نوع الجبنة دي بلاش ..دي بعد ما بتقعد بتنشف . .يادى البتاع والطماطم كلها طرية كده ليه. أنت كل مرة يضحكوا عليك ..أنا خلاص مش عارفه أعمل إيه. أنت يعنى بتعمل كده عشان أبقى أنزل أنا...خلاص يا سيدى مش عاوزين حاجه وخلينىي أنا أنزل وأشيل الهم زي بقية البلاوي اللي أنا شايلاها..هي جت على دى يعنى. عيشة تقصر العمر\n-ده عيشتك أنت اللي بقت تقصر العمر يا شيخة .. أنا سيباهلك ونازل .. حاجه تقرف. متجوز واحده ست ولا أمنا الغولة.\n-ألو..عاوزة حاجة يا حبيبتي وأنا جاي\n-يا حبيبي ربنا يسعدك .. هتقدر تعدى ع السوبر ماركت ولا تعبان\n-لا عادى قولي عاوزة إيه..\n-البيت محتاج بقالة .. وخضار عشان السلطة\nبعد الرجوع من العمل والشراء من السوبر ماركت ..\n-باقولك يا سوزي سلام الآن\n-حمدا لله ع السلامة يا حبى. هات أشيل عنك ..ربنا يكرمك..\nتفتح الزوجة الأكياس وتصدم من منظر الطماطم ..وتدرك تماما أن مآلها سيكون للخلاط..\nربنا يخليك لينا يا حبيبي..تسلم إيدك.. ادخل غير ملابسك بقى عشان ترتاح .\nالرحمة .. الرحمة .. الرحمة\nلقراءة كبسولة زوجية (1) يرجى الإطلاع على الرابط التالي: