ليالى قريش.. الليلة 94

حسب روايات كتير، النبي كان واحد من الجمهور اللي شاف قس بن ساعدة الإيادي، رؤيه مباشره في سوق عكاظ، وسمعه وهو بـ يقول كلامه اللي بـ يدعو فيه لـ التوحيد.\nوخلينا نتامل روايه من الروايات عن ابن عباس، ان النبي مش بس قابل قس، ومش بس كان فاكر اللقاء كويس بـ تفاصيله، ده كان فاكر الخطبه اللي قالها قس "وهي تتحفظ الصراحه".\nالروايه بـ تقول ان النبي لما سال وفد اياد "قبل وفاه النبي بـ فتره قليله" عن قس، فـ قالوا له: اتوفي، فـ قال:\nفما انساه بعكاظ في الشهر الحرام وهو علي جمل احمر وهو يخطب الناس وهو يقول: يا ايها الناس اجتمعوا واستمعوا وعوا، من عاش مات، ومن مات فات، وكل ما هو ات ات، ان في السماء لخبرا، وان في الارض لعبرا، مهاد موضوع، وسقف مرفوع، ونجوم تمور، وبحار لا تغور .... الي اخر الخطبه.\nفيه روايات تانيه بـ تقول ان النبي اتكلم عن حضوره لـ قس مباشره، بس مش هو اللي قال الخطبه، ده واحد من اياد كان حافظها، وروايه تالته بـ تقول مش واحد من اياد، ده ابو بكر الصديق هو اللي قال الخطبه.\nايا كان، فـ احنا قدام لقاء مباشر مؤكد، وقدام نسب واضح، نسب الكلام لـ قس، اللي هو صعب جدا تقول ان ده كلام الفه الرواه وحطوه علي لسان ناس سابقين لـ القران.\nوالتشابه بين كلام قس والقران اكبر من تجاهله صراحه، احنا بـ نتكلم عن حاجات مشتركه كتير، خصوصًا القران المكي، الجمل قصيره، مقفاه بقافيه حاده، نفس الايقاع، نفس المفاهيم، وحتي الفاظ كتير مشتركه:\nونقرا في القران، في سوره البروج:\nوفي القران، في سوره الاخلاص:\nلم يلد ولم يولد "مع ملاحظه الكلام عن نسبه الصمديه لـ خالد بن سنان"\nامات واحيا وخلق الذكر والانثي\nونقرا في القران في سوره النجم:\nوانه هو امات واحيا، وانه خلق الزوجين الذكر والانثي\nوطبعا فيه ناس لو حلفت لها ع الميه تجمد، اني ما غرضي اشكك في حاجه، مش هـ تصدقني، فـ تمام، لكن دي حاجات ما ينفعش ما نفكرش فيها.\nعقائديا، ينفع جدا نقول ان مش قس اللي مالف الكلام ده، وانه خده من الكتب اللي كان بـ يقراها، اللي هي كتب التوحيد، اللي جايز تكون صحف ابراهيم وموسي، او غيرها من الكتب اللي ارسلها الله لـ البشر بـ اي طريقه.\nوينفع تقول ان قس وخالد وزيد بن عمرو كانوا مرسلين من الله بـ طريقه ما، انبياء او رسل او ما اشبه، فـ كان بـ ييجيلهم نوع من انواع الوحي لـ حد ما جه القران الكامل علي النبي الاخير محمد بن عبد الله.\nوينفع تكيفها زي ما انت عايز.\nتاريخيا، وكما افهم من الروايات الاسلاميه نفسها، احنا قدام تيار مش بسيط، كان له ممثلين في العراق واليمن، ومكه ويثرب والطائف واليمامه، وبني عبس، ودول اللي احنا استعرضناهم، وان التيار ده بـ يقول افكار متشابهه، وكلام متشابه، وواضح ان الموضوع استوي، في انتظار اللي هـ ييجي ويخلص الليله.\nواللي خلص الليله، ابوه مات قبل ما يتولد، وامه ماتت وهو عنده ست سنين، وجده مات وهو عنده تمانيه، وبقي في كفاله عمه ابو طالب علي اكثر الاقوال انتشارًا، والموضوع مكنش سهل.\nخلينا نتابع حياته، لـ حد الدعوه.\nتقع المسؤوليه الادبيه والقانونيه للتعليقات والمساهمات المنشوره علي الموقع، علي صاحبها، ولا تعبر باي شكل من الاشكال عن راي اداره الموقع