‫PushBullet بيسمحلك تبعت ملفات ، لينكات ، نوتس ما بين كل أجهزتك، موبايلاتك وكمبيوتراتك بدوسة واحدة !

‫مشكله ازليه  بيعاني منها اغلبنا خاصه بعد ما بقي الاغلب عنده اكتر من جهاز ما بين موبايل و تابلت ولابتوب ويمكن اكتر من واحد سواء شخصيا او للشغل، وبقت مشاركة الملفات واللينكات او حتي النوتس ما بينهم مشكله عظيمه ! كام مره حد بعتلك لينك علي الواتساب وكنت عايز تفتحه علي اللابتوب واضطريت تبعته لنفسك في ميل مثلا ؟\n‫النهارده هنحل لكم المشكله دي للابد !، مش بس كدا ، البرنامج الي هنتكلم عليه النهارده كمان ، بيسمحلك كمان انك تحل مشكلة تانيه وهي انه بيعمل synchronize للنوتيفيكيشن ما بين كل اجهزتك !\n‫يعني لو جالك رساله علي موبايلك وانت شغال علي اللابتوب، يطلعك المسج علي اللابتوب وانت قاعد وتقراها من غير ما تضطر تفتح الموبايل.\n‫والاحلي، انه شغال كروم وفايرفوكس و اندرويد و ايفون وويندوز وعلي الويب كمان  !\n‫ومش بس كدا !، البرنامج ليه applications تانيه عظيمه جدا هنتعرضلها في بوستات تانيه لاحقا. الحقيقه البرنامج دا من افضل البرامج الي شفتها علي الانترنت علي الاطلاق، وهو Pushbullet .\nازاي تبدا مع PushBullet ؟\nالموضوع بسيط جدا، هبتدا بانك تروح للويب سايت PushBullet.com وتعمل اكاونت لنفسك، ونصيحتنا في نوّرني انك تعمل Sign-up باكونت جوجل عشان دا هيسهل الدنيا بعد كدا علي باقي موبايلاتك لو اندرويد.\nبعد ما تعمل اكاونت وتعمل Sign-in هييسالك لو عايز تشغل خاصه الNotification Mirroring الي هي زي ما شرحنا  فوق ، خدمه انه يعمل Synchronize كامل للNotifications بين كل اجهزتك، الاختيار ليك لو حابب تستفيد من الخاصيه دي او لا.\nودا فيديو بيوريك الخاصيه دي بتعمل ايه بالظبط :\nبعدها لو انت عايز PushBullet يشتغل علي الكمبيوتر بتاعك ، يبقي لازم تنزل الChrome extension او الFirefox extension   او تنزل برنامج الWindows .\nبعد كدا نزل البرنامج بقي علي موبايلاتك الي عايز تشغله عليها سواء الاندرويد او الايفون وطبعا علي كل الحاجات دي لما تنزل وتعمل setup تخش تعمل Sign-in بالاكونت الي سجلت بيه (جوجل عاده).\nنصيحه نوّرني انك تنزل برنامج الوندوز وكمان الاكستنشن حسب الBrowser بتاعك.\nازاي نستخدم البرنامج وايه امكانياته ؟\nالبرنامج موفرلك طرق متعدده في استخدامه، تقدر تستخدمه من الويبسايت نفسه  :\nزي مانت شايف، علي الشمال قايمه الاجهزه بتاعتك ، وتقدر تضيف اجهزه زياده ، وعلي اليمين الحاجات الي تقدر تعملها Push، في الTo بتختار انت عايز تبعت لانهي جهاز وتحت هتلاقي اختياراتك، تقدر تبعت كلام (نوت)، او لينك او تبعت ملف او Todo list او عنوان (خريطه)!.\nممكن برده تستخدمه بشكل اسهل من الChrome extension لو عايز تبعت بوست معين من الكمبيوتر مثلا لجهاز تاني :\nبيسمحلك تبعت اللينك علي طول، او لو عايز تبعت اي حاجه تانيه الاوبشنز موجوده .\nمن الموبايل تقدر تستخدمه لنفس الشئ :\nومش بس كدا، لو بصيت علي القايمه الي علي الشمال هتلاقي انك تقدر تضيف حد من اصدقائك وتعمل Push لحاجات علي اجهزتهم بشكل مباشر !\nبرنامج الويندوز دلوقتي كمان بيديك ميزه عبقريه !\nلو عايز تبعت ملف من جهازك لموبايلك تقدر علطول تعمل Rightclick علي الملف وتبعته !، شوف الفيديو دا يوريك ازاي :\nلو انت شغلت في البدايه الNotification Mirroring هتستفيد بميزه اضافيه زي ما قلنالكم، هتلاقي بيطلعلك Pop-up علي اللابتوب لما تحصل حاجه علي موبايلك :\nنوتيفيكشن جي من Google Hangouts علي موبايلي طلعلي علي اللابتوب\nوخليني قولك انك تقدر تتحكم في كل تفاصيل الNotification ، يعني تقدر انك تقوله زي مانت شايف في الصوره انك تقفل النوتيفيكشن لبرنامج الHangouts لو حابب او انك تقوله حتي يطلع النوتيفيكشن عادي بس ميطلعوش علي الجهاز لكن يسيبه علي الاجهزه التانيه عادي.\nوتقدر تخش علي الSettings من موبايلك ومن تختار Turn On or Off for specific apps ومنها تحدد البرامج الي عايزها تطلع Notification او لا :\nملحوظه مهمه :  Pushbullet هيبعت Notifications باستخدام ال3G عادي بشكل افتراضي، الا لو انت عايز تخليه يشتغل علي الواي فاي بس اختار فوق only mirror on WiFi\nكدا شرحنا امكانيات البرنامج وازاي تستخدمه، وازاي تستفيد من الميزتين الاساسيتين فيه وهم انك تبعت اي حاجه من اي جهاز عندك لاي جهاز تاني، وانك تستقبل notifications ما بين كل الاجهزه بسلاسه.\nلكن خليني اقول لكم ان البرنامج فيه مميزات اكبر من كدا كمان !، البرنامج عنده integration مع IFTTT  ودا معناها انك تقدر حرفيا تخلي يجيلك علي الموبايل نوتيفيكيشن لاي حاجه في الدنيا.\nودا الchannel بتاع PushBullet  علي IFTTT  فيها الوصفات Recipes الجاهزه الي ممكن تستخدمها وتديك افكار \nوفيه كمان API مفتوح ومجاني ممكن اي مطور يستخدمه ويعمل integration مع اي كود بيكتبه .  ودا بيخلي البرنامج غني جدا وطول الوقت فيه افكار وتحديثات جديده هنقولكم عليها في مقالات تاليه.\nPushBullet كمان ممكن عن طريق تركيب extension معين ، تقدر تستخدمه عشان ترد علي رسايل الواتساب من الكمبيوتر !\nعايز تعرف ازاي ؟ دوس علي اللينك دا\nكنت تعرف PushBullet قبل كدا ؟ عندك استخدامات تانيه ليه ؟ فيه recipe معينه عجبتك ؟ شاركنا !