المنسق السابق لحملة عمر سليمان: إعلان بيبسي دعوة ماسونية لتحريض الشعب للقيام بثورة

قال سامح ابو عرايس المحلل المالي ، المنسق السابق لحمله عمر سليمان ان اعلان بيبسي الذي يحمل عنوان «يلا نكمل لمتنا» هو دعوه صريحه من جماعات الماسونيه لتحريض الشعب المصري للقيام بثوره جديده.\nوقال عبر صفحته الشخصيه علي الفيس بوك: « اعلان بيبسي بتاع ” يلا نكمل لمتنا ” هو دعوه ماسونيه لثوره جديده تشارك فيها كل المجموعات التي شاركت في 25 يناير ، ويظهر في الاعلان عم شكشك ” رمز للبرادعي ” ولو لاحظتم في اعلان كوكاكولا بتاع الاسماء الكثيره كان في اولها ” البوب ” بما يعني وجود دور قادم للبرادعي في هذه الاحداث التي يخطط لها كما يظهر اراجوز في اعلان بيبسي بما يعني دور لباسم يوسف».\nواوضح ان :« اعلان بيبسي بيقول “يلا نكمل لمتنا يلا نرجع لمتنا ” يعني يلا نكمل ثوره 25 يناير الماسونيه ونرجع لمه الميادين مره اخري وبيقول ” فرقتنا الايام واحلي لمه بقت ذكري يلا نرجعها تاني ” ويعني ان قوي ثوره يناير تفرقت ويلا نرجعها تاني علي حد قوله.\nواشار الي ان الكلام رساله الي العقل الباطن لتجعل الناس تحن الي ايام الميدان وفي نفس الوقت رساله لعملاء الماسونيه في مصر للعوده الي الحشد ولو لاحظتم فهذه نفس دعايه الاخوان وقناه الجزيره لما يسمونه اعاده توحد قوي الثوره ونفس فكره بيان ” إعلان القاهره ” الذي صدر في مايو ويدعو لاعاده اصطفاف حركات وقوي 25 يناير .\nواختتم حديثه مؤكدا علي: «اللي مستغرب من الموضوع يفتكر ان بعد ثوره 30 يونيو مباشره كانت اعلانات كوكاكولا بتقول ” مكملين متجمعين بكل اشكالنا والواننا راجعين ” وكانت اعلاناتها ايضا بتقول ” نرجع تاني واحد ليه لا ؟ ” وكانوا بيجيبوا ممثلين منهم بتوع سلفيو كوستا اللي بدقن ، نفس الحركات بيكرروها تاني للعب علي العقل الباطن والدعوه لثوره ماسونيه جديده ».