انطلاق حملة "افصلوه" لفصل نادى المحلة عن إدارة الشركة

اطلق عدد من مشجعي فريق غزل المحله "حمله افصلوه"، للمطالبه بفصل النادي عن اداره الشركه.\nتضمنت الحمله "علشان النادي محصلش علي بطوله من 40 سنه.. علشان النادي يحافظ علي لاعيبته ميفرطش فيهم.. علشان النادي يكون بميزانيه خاصه ومستقله بذاتها.. علشان متخلطش المكن باللاعيبه.. علشان مجلس الاداره فاشل ومالوش في الكوره.. علشان جمهور غزل المحله صبره نفد.. علشان متتكررش مجزره بورسعيد في المحله.. علشان نقضي علي فساد الاداره وفشلها.. علشان النادي دائما مهدد بالهبوط.. علشان الفريق هبط 4 مرات خلال 10 سنوات.. علشان فلوس بيع اللاعبين ميخدوهاش يقبضبوا بيها العمال.. علشان نادي غزل المحلة نادي جماهيري مش شركات".\nلذلك اقر انا الموقع ادناه بكامل ارادتي وبصفتي احد مشجعي نادي غزل المحله، اطالب بفصل نادي غزل المحله الرياضي بكامل الانشطه الرياضيه عن شركة مصر للغزل والنسيج بالمحله الكبري، وادعو جميع جماهير وشعب المحله الكبري للانضمام لحمله افصلوه والتوقيع علي هذه الاستماره حتي نستطيع تحقيق هدفنا كجماهير تعشق كيان نادي غزل المحله الرياضي.