"اللى بنى مصر كان فى الأصل حقـــانى".. قصيدة لـ"أشرف الشافعى"

اللي بني مصر كان في الاصل حقـــاني\nلا عمره كان سلفي ولا حتي اخــــواني\nولا جـــــدره ليبرالي ولا اصله علماني\nصاين حقوق الناس عارف حــدود ربه\nوولاده من بعـــده علي منهجـــه اتربوا\nكان حتي طوب الارض يشهد له ويحبه\nلا لجاه ولا سلطان كان عمره شهـواني\nاللي بني مصر كان ف الاصل واد عِتره\nعمــــره مـــامد ايديــــه لعبايه ولاغُتره\nوكرامته كــات زاده وعِـزُه كـان سُتره\nعمّــر بلاد الله وخــلق كيـــان ووجـــود\nعلّــم ولاد العـــرب معني الكــرم والجود\nوان قـل يوم مـاله خيره تلاقيــه موجـود\nاصل الحضـاره ضميرمش ثروه بالكُتره\nاللي بني مصر كان ف الاصل واد مجـدع\nيفهم ف معني الشرف لا يخون ولا يخدع\nفنان يمــوت ف الغنـا وف الصـلا يخشع\nبايديه رســــــــم سكته وخــــط دستـوره\nشال البلد ف عينيه .. خلـدها ف سطوره\nلا اتغـــر ولا كوش ولا علاّ يـوم ســوره\nخده لناسه مداس وحضنه كـــان مخـدع\nاللي بني مصر كان عالـــــم وكان منشد\nف الحق زي السيف وعشانه كان يحشد\nطيب مع المظلــوم ومع اللي ظلمه يشــد\nفـــلاح يحـب الغيـط وف ورشته اسـطي\nولو ســـالته يقـول اهي ماشيه والاسطه\nبينه وبين ربه ماكـــانش فيــــه واسطـه\nلا خليــه وجمــاعه ولا مُلا ولا مرشـــد