في ريدبل سر الكينج.. منير: «مقدرش أقول على فن إنه هابط وكل فترة بيحصل إفلاس فني»

عبر الكينج محمد منير عن حبه وعشقه للغناء قائلا: « أنا اختارت الغناء عشان أحب نفسي واستمر في الحياة»، متابعا أن الغناء هو الحل الوحيد للحزن وأنه غنى يوم وفاة والدته.

رفض الكينج، في الحلقة الأولى من حواره إعلاني ،ضمن فعاليات ريدبل سر الكينج، مع عمر طاهر،  وصف بعض الأغاني المصرية في هذه الفترة بـ "الفن الهابط" ، قائلًا: «أنا مبسمعش لأغنية النهاردة.. ومقدرش أقول عليها هابطة لأن مفيش فن هابط ولكن أقدر أقول ضعيف أو منفصل عن الناس وفي فن آخر متحد».

متابعا: «كان في أغنية لكامل الشناوي بسمعها في طفلولتي، بالآهات بالنظرات بالهمس باللمس بالصمت الرهيب، مش معقول كامل الشناوي أو صلاح جاهين، وكلاهما من عمالقة الغناء، هيسرقوا أو يتواردوا في خواطر بعض بالسرقة».

تابع: «لكن لقيت في لحظة من اللحظات صلاح جاهين بيقول: كام واد وبنت اتقابلوا عبر السنين.. كام همسة همسوها ولمسة حنين، من قبل فجر الكون لحد أنا كام بوسة لزمت لجل ما أصبح جنين».

استمر قائلًا: «شوف كلمة الصمت الرهيب فسرها إنت بطريقتك، وكام بوسة لزمت لجل أصبح جنين، كلاهما استخدم المعنى، المعنى المقصود، المعنى اللي خلقه شرع الله علشان أتكون جنين، وبالصمت الرهيب عشان أتكون جنين، أو غيري أو الملايين، ففي خواطر رائعة وعظيمة متألقة».

اختتم لقائه: « كل قرن من الزمن بتحصل الحالة اللي إحنا فيها دي، حالة الإفلاس والهبوط الفني، فأكيد الغنا اللي كان في سنة 1918 كان بالشكل بتاع النهارده، لكن ربنا عمره ما بيسيب مصر لا تنهض بالغناء».

لو عايز تشارك ريد بُل في اكتشاف سر الكينج وتحضر معاه قعدة مزيكا تاريخية هتحصل مرة واحدة في العمر، في مكان عريق يليق بعظمة الحدث؛ جاوب على الأسئلة وبين لنا قدر حبك ومعرفتك بالكينج محمد منير. شارك في لعبتنا وخوض الرحلة اللي هتساعدك في حل اللغز