نقل رحمة حسن إلى المستشفى: «كلب عضني عضة كبيرة في منطقة حساسة»

منذ 3 سنوات

رحمة حسن تكشف تعرضها لحادث بعد قيام كلب ضخم بالهجوم عليها و«عضها» وإصابتها في منطقة حساسة

نقل رحمة حسن إلى المستشفى: «كلب عضني عضة كبيرة في منطقة حساسة»

كشفت الفنانة رحمة حسن عن دخولها المستشفى بعد أن عقرها كلب وقالت أنها تنزف دما باستمرار، ولديها تروما

ونشرت الفنانة منشور عبر انستجرام قالت فيه

إمبارح الساعة 11 بالليل كنت نازلة أجيب حاجة من السوبر ماركت جمب البيت

وكنت ماشية على الرصيف وكان في عربية بتركن جمبي عادي

فجأة الباب اتفتح ولقيت كلب جيرمن شيبرد تقريبا مَش متاكدة أوي، بيهجم عليا بكل قوته

طبعا حاولت أجري لكن للأسف الكلب كان قوي وشرس ووقعني على الأرض

حاولت أقوم وأجري وصاحبته حاولت تشده، بس فك الليش بتاعه وعضني عضة كبيرة وغويطة بنابه في منطقة حساسة

صاحبة الكلب كتر خيرها أخذتني فورا على المستشفى،إدوني حقنة تطعيم الكلب ولسه فاضلي 4 هاخدهم خلال شهر

بس المشكلة إن من إمبارح الجرح بينزف دم كتير، وأنا طبعا خايفة ومصدومة وتعبانة وعندي تروما من إمبارح

واللي واجعني أكتر إني مَش عارفة أتصرف إزاي، خصوصا إني أكيد مَش عايزه الكلب يتأذي، بس كمان مَش عايزة أي إنسان كمان يتأذي ويتعض ويتبهدل في الشارع زيي

أنا كنت بشوف الكلب ده دائما مع صاحبته بتمشي بيه في الشارع جمب البيت عندي، وعشان شكله شرس كنت بامشي بعيد عنه لما بشوفه

امبارح صاحبة الكلب قالتلي متخافيش هو عض ولادي قبل كدا وتمام محصلش حاجه! طبعا أنا اتصدمت لما عرفت إنها مش أول مرة الكلب يعض حد

ومع ذلك هي سايباه عادي في الشارع من غير كمامة أو حد قوي يمسكه.. بجد حرام عليكم

الكلب لما بيكون حجمه كبير وشرس بيعتبر سلاح، وصاحبه مسئول مسئولية كاملة عنه ويحاسب على إهمال مسئوليته

خصوصا لو إهماله تسبب لشخص تاني في أذى بدني يحتاج أكتر من 21 يوم علاج وأذى نفسي ماعرفش هايحتاج قد إيه عشان يخف

أنا كنت بحب أنزل أحط أكل ومياه للكلاب والقطط تحت البيت، دلوقتي أنا حقيقي مرعوبه أقرب منهم وخايفة جدا