عبد الحفيظ: جمهور الأهلي مبينساش مواقف اللاعبين.. وطارق يحيى يرد: نسي اللي عمله إمام عاشور | المصري اليوم

يرى سيد عبدالحفيظ، مدير الكرة السابق بالفريق الأول لكرة القدم بالنادي الأهلي، أن جمهور القلعة الحمراء يرتبط دائمًا باللاعبين أصحاب المواقف مع النادي.

«أنا جامد متقلقش».. خالد بيبو يوجه رسالة خاصة لـ سيد عبد الحفيظ بعد فوز الأهلي على مازيمبي

سيد عبد الحفيظ: طريقة رحيلي عن الأهلي معجبتنيش

الأهلي ضد الترجي.. نهائي عربي بالرقم 18 في تاريخ دوري أبطال أفريقيا

وقال سيد عبدالحفيظ، خلال حواره ببرنامج «اللعيب»، المذاع عبر فضائية «إم بي سي مصر»: «جمهور الأهلي بيحب البطولات وبيعشقها زي عينه، لكن جمهور الأهلي، عنده مواقف الأشخاص لو هتتقارن ببطولة بتساوي مواقف الأشخاص عنده، ممكن تلاقي لعيبة في الأهلي حصلت على بطولات كثيرة، ولكن جمهور الأهلي مش حاططها من الصفوف الأولى، لأن ممكن اللاعب مكنش عنده موقف كبير ما يعني اشترى الأهلي وباع أي حاجة، الجمهور عمره ما ينسى الموقف ده».

وأضاف: «ممكن تلاقي شخص الجمهور مرتبط بيه جدًا مع إن بطولاته مش عالية أوي، ولكن الجمهور بيحبه جدًا لأنه كان صحب موقف».

وتابع: «الأهلي من أول ما أنشيء حتى الآن بيحب الناس أصحاب المواقف ودي المؤسسة التربوية الأصلية، الأهلي لما أنشيء مكنش في دماغه إنه يبقى بطل أفريقيا 12 مرة ويصل النهائي 17 مرة وإنما أنشيء لهدف وطني بحت».

وأردف: «المواقف التاريخية هي اللي بتصنع الأساطير والنجوم مش البطولات وبس، محدش يقدر يضحك على الجمهور، عارفين اللاعب ومواقفه عشان كده بيرتبطوا بيه».