عمرو أديب: "30 شخص نزلوا التحرير اتلموا دقيقتين وهتفوا وبعتوا الفيديو" - اليوم السابع

قال الإعلامى عمرو أديب، بعد مباراة السوبر بين الأهلى والزمالك، نزل مجموعة الناس فى التحرير، حوالى 30 أو 40 شخص، تلموا دقيقتين وهتفوا وبعتوا الفيديو" ،  اتقبض على أغلبهم .

وأضاف أديب ، خشوا وشوفوا هو الفيديو دا اللى موجود، أغلبهم أولاد الإخوان اللى موجودين فى السجن" ، مؤكدا خلال تقديمه برنامج "الحكاية"، على فضائية "MBC مصر"، : "فى التحرير بعد الأيام اللى فاتت والحشد وبيقولوا الناس نازلة وهيمشى وهيرحل ومش عارف ايه.. خلصت على ناس عدت الميدان وخلصنا، اللى حصل هو كده، وأنا مبخبيش حاجة، وعندى مراسل فى التحرير الآن".

وتابع أديب: "طول اليوم كان بيتقال لو منفعش المرة دى ينفع المرة الجاية، عشان هم لقوا محصلش أى شئ، عشان ميبقاش فيه" هبل وعته"  الموضوع ملوش علاقة بمحمد على لأنه هو مجرد أداة، معايا النهاردة إثباتات الإخوان هيشوفوها ويذهلوا، بالصوت والصورة" .