المحتوى الرئيسى
تريندات

مصطفى يونس: "الدوري مكانش للأهلي.. وشيكابالا هيمتعنا زي ماتش بيراميدز"

09/12 05:09

أكد مصطفى يونس، لاعب النادي الأهلي السابق، أن دوري الموسم الماضي كان الأفضل منذ سنوات عديدة، وتمكن المارد الأحمر من خطف اللقب من الزمالك في الأمتار الأخيرة من عمر المسابقة.

وقال مصطفى يونس في مداخلة لبرنامج الزمالك اليوم: "احنا يهمنا بلدنا أكتر من الاهلي والزمالك، عندنا مباراة وعاوزين الجمهور يرجع، عشان بلدنا والأجيال القادمة والكورة في مصر من غير أهلي وزمالك ملها لزمة".

وتابع: "أنا كمصطفى يونس أكتر دوري أسعدني في الـ20 سنة الأخيرة دوري الموسم اللى فات لأن خدناه بشق الأنفس، خدناه وهو مش بتاعنا ولا لينا فيه اصلا".  

وتمكن الأهلي من حسم لقب الدوري الموسم الماضي، في الجولة قبل الأخيرة، على حساب الزمالك، بعد وصوله للنقطة الـ 80، وتوقف رصيد الزمالك عند النقطة 72.

وتطرق المدير الفني السابق للنادي المصري للحديث عن محمود عبد الرازق "شيكابالا" قائد الفريق الأول بنادي الزمالك وقال: "شيكابالا ده أنا طول عمري بقول من أعظم وأفضل اللاعيبة اللى جت في تاريخ مصر ولكن قصر في حق نفسه، عارف لما تحب تسمع عبد الحليم حافظ وأم كلثوم وعبد الوهاب، لما تحب تشوف الكورة في رجل الخطيب ولا على أبو جريشة ولا طاهر أبو زيد، أن بالنسبالي شيكابالا كدة".

وأكمل: "لو عملت إحصائية لأفضل اللاعيبة شكلًا وموضوعًا يطلع شيكابالا، لو قولت أحسن 10 لاعيبة في مصر يطلع شيكابالا، أتمنى أن يركز الفترة المقبلة في الملعب فقط، لأن النجومية مش كورة بس النجومية سلوكيات زي ما بنتكلم على الخطيب وحسن شحاتة وحازم إمام وعلى أبو جريشة وعلى على خليل، أتمنى أن يكرز داخل الملعب فقط، وسيصبح من أفضل اللاعيبة اللى لعبت في مصر وهيمتعنا زي الماتش اللى فات".

أهم أخبار الرياضة

Comments

عاجل