المحتوى الرئيسى

بالفيديو- سبب غياب أحمد عز عن الدراما الرمضانية

06/12 11:06

قال الفنان أحمد عز إن كواليس فيلم "الممر" من أمتع أوقات التصوير التي عمل بها على مدار تاريخه الفني، مضيفًا: "كل النجوم اللي في الفيلم كانوا مستمتعين.. وكلنا زعلنا لما الفيلم خلص لأنه ما بيجيش كتير في العمر نوعية الأفلام دي".

أكد عز خلال تصريحات لبرنامج "عرب وود" على قناة "روتانا سينما"، أن المخرج شريف عرفة كان يريد من البداية صنع فيلم بمقاييس عالمية وبالتالي كان لا بد من خروجه بمظهر مشرّف كما حدث، قائلا: "لو قدمتلهم عمل بمقاييس أقل مش هيتفرجوا ومش هيعجبهم.. شريف منظم جدا وكل واحد كان عارف هيعمل ايه عشان كده متعبناش خالص في الفيلم ده بالعكس كنا مستمتعين".

وبسؤاله عن مدى نجاح الأفلام المنافسة له في العيد، قال: "أتمنى النجاح لكل الأفلام المنافسة في العيد، وأن يحققوا أعلى الإيرادات، أنا عملت فيلم واجتهدت فيه على الآخر، اللي بعد كده مبسألش ومبعرفش ولكن ليهم كل الاحترام والتقدير ويارب كل الأفلام تنجح".

وفيما يتعلّق بأعماله الجديدة، أوضح عز أنه سيعرض له في عيد الأضحى فيلم "ولاد رزق 2"، يليه فيلم "يونس"، وكذلك عمل مسرحي بعنوان "علاء الدين"، مستطردًا: "مش عارف اعمل بروفات لحد دلوقت، عملت مرة مسرح زمان في الهناجر بس كان حالة خاصة كده واتعرض أسبوعين".

على صعيد آخر، أكد أحمد عز أن سبب غيابه عن دراما رمضان هذا الموسم، كونه من الصعب تقديم مسلسل بجودة عالية كل عام، قائلا: "صعب أعمل مسلسل كل سنة، لكن بعمل مسلسل كل 4 أو 5 سنين مرة، لما بلاقي سيناريو حلو أو موضوع أو فكرة جديدة ودي ما بتتلاقاش كل يوم.. مش هنزل اشتغل ابدا إلا لو في حاجة جديدة.. ومش هتواجد لغرض التواجد في حد ذاته".

#عرب_وود | ماذا قال أحمد عز على نجاح الأفلام المنافسة لـ #الممر ؟ pic.twitter.com/kvWDcrrgt2

أهم أخبار فن وثقافة

Comments

عاجل